mandag 31. mars 2014

Gjenbruk

...av den gamle sauefjøsen. 
Dei siste vekene har vi rydda ut av den gamle sauefjøsen. 
Vi var svært overraska over kor høgt det var under taket. 
Eit skikkeleg godt rom vi kan bruke!



Fjøsen har jordgolv. Til venstre er ei opning inn til eit lager. 
Den opninga må støypast igjen.



Nytt støypt golv!




Dette skal bli snekkarbu. Hoppfallera!
Dette blir kjekt å få orden på.

Ynskjer alle lesarar ei god veke!

Klem frå Irma

tirsdag 25. mars 2014

Traktorhengar


Kjekt å ha!
Med all veding så var det nødvendig med ein skikkeleg traktorhengar. 
Lukka var stor når ein i same fylke ville selje ein hengar til oss. 


Haugen som snart skal gjennom kapping og kløyving veks fort når ein har ein slik flott hengar å frakte strongar med.
Dette var stas!

Irma


mandag 24. mars 2014

Gjødselkjellaren



Akkurat no er arbeidet med å tømme gjødselkjellaren som gjeld. 
Det meste hadde vorte mold, men vi satser på at markane har godt av eit lag med næringsrik jord.




Gjødselkjellaren er tom. 
Etterkvart må vi få til ei slags drenering slik at vatnet ikkje renn inn.
Det blir eit anna prosjekt som vi ikkje startar på enda.

Det luktar vår!!
Det går mot lysare og varmare dagar.
Eg seier VELKOMEN!

Irma

torsdag 20. mars 2014

Bruktkupp


Desse glasa har eg funne på ei kjøp og salside på Facebook. No er dei vaska og er klare til bruk.
Nokre vil bli brukt til hermetisering og andre til oppbevaring av kornprodukt.
Husbonden vil lage nokre lamper.


Dette Noregsglaset har eg brukt til kaffi i mange år. 
Har du Noregsglas?
Kva bruker du dei til?

Ha ein ny, flott dag!

Irma

søndag 16. mars 2014

Frå eit marked i England

Yngstemann kom att frå 2 veker studiar i York og 
hadde med to artige skilt.




Det er vel mange som kjenne seg att her?

Eg gler meg til å finne plass til desse i Nilsgarden.

Irma

lørdag 15. mars 2014

Det var ein gong eit hønsehus.

Eit rett koseleg eit med gjerde utanfor slik at hønene kunne spankulere ute når det passa seg slik. Det er nok mange år sidan det budde høner i dette hønsehuset. 
Det var nok lykkelege høner! 
Garden vår skal også ha høner og tanken er at vi skal bygge eit nytt frittståande hønsehus med tida.



Dette vesle hønsehuset har vore mitt prosjekt denne siste veka. Eg har kosta tak og veggar. (Det er godt vevkjerringane ikkje har vakna av vinterdvalen....) Rydda, kasta skrot og til slutt kosta golvet. Eg har tatt ut x-antal spikarar frå veggen og rive eit noko høgt arbeidsbord. Nye vindauge er òg bestilt.

Hønsehuset skal få ein gartnarkrok og blir lager for skiutstyr! 
Kom inn og sjå gartnarkroken min:




Ei gamal fiskekasse og to fjøskrakkar.

Eg har sett i mold løkar eg tok opp utanfor husveggen då vi skulle støype fundamenta for utbygga på huset. Desse har tatt til å spire og var modne for å setje i ny mold. Det blir spennande kva som kjem opp. Det var ei blanding av tulipanar og påskeliljer.

God laurdagskveld til deg!

Irma






mandag 3. mars 2014

Ein søknad er sendt..

til Mattilsynet!


Då er avgjersla tatt om at det blir sauerasen Gamalnorsk spæl som skal beite i Nilsgarden.
Vi har gjort avtale med ein sauebonde om levering av avlsdyr i september-oktober. 
Det blir veldig spennande. 
Eit steg vidare på vegen mot å bli skikkelege bønder.

God veke til alle lesarar!

Irma