Stormen Tor tok

delar av taket på løda.

Kun materielle skadar heldigvis.

Stova i januar

Dei siste kassene er komne i hus og det er meir som eit kaos.

Korleis finne plass til alt? Treng vi alt? 

Kvar skal vi ha det vi kanskje treng ein gong i framtida?

Nokre ryddige krokar:

Denne gyngestolen er eit arvestykke frå Nord-Norge. 

Mor mi kan minnast at oldefaren min satt i denne 

ved ovnen på kjøkkenet sitt. 

Den fekk han i bytte mot fisk. 

Alle treng ein engel som passar på. Ei kjær gåve frå døtra mi.

Stolen stod i Nilsgarden då vi tok over. 

Han er fortsatt god å sitje i.

Ei Singermaskin kjøpt på bruktmarked for mange år sidan.

Nåleputa er frå mamma sitt syskrin.

******

Snart er januar over og 

vi kan gle oss over ein ny månad med ubrukte dagar. 

Dagar som gir oss høve til å farge dei slik vi vil.

Møt dagane og lag dei fulle av glede og livslyst!

***

Ynskjer deg ein god kveld!

Irma

Ein kik inne.....

Ein krans som ynskjer velkomen inn.

Strikkehjarta har eg fått i gåve frå systra mi.

Det vart ikkje så verst å feste dei på 

ein trekrans som ynskjer velkomen.

Tømmerveggen i denne gangen er del av det 

berande reisverket i Sunnmørsstova vår. 

Det ujamne i treet gir liv og sjel.

Det er ikkje lett å bestemme seg for kvar bilete og anna skal henge. 

Vi må bruke litt tid på det. 

Det er eigentleg ikkje lett å plassere møblane heller. Flyttar dei litt rundt og kjenner på korleis dei må stå.

Det er lavt under taket og ikkje alt får plass, men vi vil likevel ta vare på møblar som har fylgt oss sidan oss var unge og nyetablerte.

Det er først og fremst folk og husdyr som gjer hus til ein heim, 

men møblane, bileta, nips og anna fortel òg mange gode minner.

Desse minna er viktige.

Januar

Vi har no budd ei periode i eit koseleg, 
nyoppussa tømmerhus med sjel i veggane.

Vi var så heldige å få leige dette huset då vi 
fekk selje gulehuset vårt.

Romjula vart brukt til å jobbe i huset. Siste malingsstrøka, listearbeid, montering av dører, 

lamper og mykje anna. Vi har hatt lange og kjekke dagar. 

Ein blir skikkeleg motivert når vi ser at no, no er det ikkje lenge att!

Vi flytta møblar på loftet i Nilsgarden før trappa vart måla. Det var lurt å gjere når vi såg alle stripene trappa fekk. 
Bilete kjem etterkvart.

Det er ikkje mykje snø her på vestlandet, 
men kulda fortel at det er vinter. 

Vi har målt -11 grader. 
Det er ekstra kaldt med rå vind i tillegg. 

Har kasta meg på lyslyktbølgja. Dei pyntar opp ute.

Husbonden har fått opp siste utlyset. 

Ynskjer deg ein god kveld.

Ynskjer

Godt nytt år frå Nilsgarden

Juletreet

Kvelden, før kvelden, før kvelden rydda vi ei krå i stova for å pynte juletreet.

Juletonar frå Ingebjørg Brattland.

Ei juleklokke frå Edinburgh, ein nisse frå barndomsheimen, ein glitterkongle laga av borna og ei julekorg frå ein kjær venn frå ungdomsåra. Mange minner og gode assosiasjonar.

Hugs at jula kjem uansett om du ikkje fekk gjort alt du hadde tenkt. 

Ein av mine favorittjulesongar er Nordnorsk julesalme av Trygve Hoff.

Velsigna du dag over fjordan,

veldigna du lys over land.

Velsigna de evige ordan

om håp og ei utstrakt hand.

Verg dette lille du gav oss,

den dagen Du fløtta oss hit.

Så vi kjenne Du aldri vil

la oss forkomme i armod og slit.

Vi levde med hua i handa,

men hadde så sterk ei tru.

Og ett har vi visseleg sanna:

vi e hardhausa vi som Du.

Nu har vi den hardaste ria,

vi slit med å kave oss frem 

mot lyset og adventsti`a,

d`e langt sør tel Betlehem.

Guds fred over fjellet og åsen,

la det gro der vi bygge og bor.

Guds fred over dyran på båsen

og ei frossen og karrig jord.

Du ser oss i mørketidslandet,

du signe med evige ord,

husan og fjellet og vannet,

og folket som levde her nord.

God julehøgtid

Carola syng "Jul, jul, strålande jul". 

Det er godt vi har jula å gle oss til i mørketida.

Lys i vindu og stjerner. 

Forventning og glede over mange gode dagar i lag med familie og vener. 

Vi er heldige.

Vi har hatt ein ekstra hektisk haust med sal av hus, flytting til leigd, midlertidig hus i nabolaget og innspurt i Nilsgarden. Det har likevel vore godt å kunne krysse ut for ferdige gjeremål 

og ha enda meir fokus på å snekre og male. 

Jula kom likevel nokre veker for tidleg for å kunne rekke å flytte inn til jul. 

Snekkarar har gjort ferdig huset utvendig med listing, beslag, takrenner og hjørnebord.

Det er godt at alt er tett og ein kan gå vinterstormar og regn trygt i møte.

Vi syns at inngangspartiet måtte ha ei gran med lys i adventstida. 

Fann ei skeiv og sjarmerande Berbergran på eit lokalt hagesenter. 

Eit gåvekort frå foreldre og sysken til sølvbryllaupsdagen vi markerte tidlegare i haust. 

Julestemninga kom sigande når God jul-nissen som Vilde laga på ungdomsskulen vart tatt fram. 

Om ikkje huset er ferdig inne, så pyntar vi ute!

Det er lys i vindauga. Elektrikar og rørleggar har fiksa både lys i alle rom 

og varmt og kaldt vatn i kranene. Reine luksusen etter år med lausledningar og arbeidslampar.

I dag er det første feriedag. Det er tid for å rydde, vaske litt og pakke inn dei siste julegåvene. Juletreet skal høggast i Remegarden og pyntast i stova i Nilsgarden. 

Julafta blir feira i lag med dei aller nærmaste i Volda. Vi gler oss til å vere i lag med barnebarn, svigerbarn og barn. Jula er heilt spesiell for dei aller minste. Dei strålar av forventning og glede. 1.juledag er det familieselskap på Remen med heile storfamilien. 

Vi ser fram til nokre rolege juledagar der batteria skal laddast. 

I romjula skal vi ta innspurten på malearbeidet, vaske dei romma som er ferdige. 

Det som ikkje er ferdig er montering av varmekablar i gang, bod, toalett, bad og vaskerom. Flislegging og det som høyrer med i eit våtrom. 

Vi reknar med at vi treng januar for å bli heilt ferdig. 

Vi tenner eit lys for håp og glede!

Og ynskjer alle lesarar, vener, slekt og familie

ei god julehøgtid!

Varme klemmar frå

Frode og Irma