Status lamming

No er vi i mål med lamminga for i år. Vi har venta lenge på at den siste skulle lamme, men no ser det ut til at nr. 30 er tom.

23 nydeleg gamalnorske spælsaulam er komne mellom 11.april og 1.mai.

Alle fødslane har vore problemfrie, dvs alle er komne rett veg.

Ei søye fekk jurbetennelse i det eine juret etter tvillingfødsel. Sidan vi ikkje fekk tømd det fordi det var tett, vart det penselinkur i fire dagar og juret var ikkje til å redde. Eine lammet fekk tillegg, men etterkvart ville kåsa ikkje ha meir. Vi oppdaga at ho stjal mjølk frå andre. Ei lita spekulert dame dette. 

Ei anna søye  fekk tvillingar, 

men eine lammet var underutvikla og dødt.

Søya som fekk firlingar med ti dagars mellomrom er ei utruleg omsorgfull mor. Tredjemann i søskjenflokken får flaske då mora ikkje har nok mat.

Vårens vakraste eventyr!

No er det eit år til neste lammeeventyr.

Gratulerer med dagen!

Nilsgarden er pynta til 17.mai.

Dagen starta rundt kl 8.30 med litt jobb for meg. 

Resten av familien reiste vidare for å vinke til barnebarna i barnetoget i nabokommuna.

Resten av dagen har det vore tog i eiga bygd og prat med bygdefolk. Det har vore Barstad og Lynge som har stått for 17.maifeiringa i bygda. Samhald har vore flott pynta til fest. 

Sal av nydelege smørbrød og gode kaker som alle 

i bygda har bidrege med. 

Apell på trappa av ungdomskuleelvar.

Leikar for born og ungdom. Hesteskokasting og luftgeværskyting. 

Denne dagen er alle i bygda i lag. 

Vi støttar opp om feiringa på Samhald. 

Ynskjer alle ei god veke vidare.

Dagen før grunnlovsdagen

ser det slik ut innandørs.......

Ein sunnmørsbunad og ein nordlandsbunad. Tradisjonsklede.

Skjorter er strokne, Bunadar dampa og rulla over med klesrulle.

Bunadsølv, band og 17.mai-sløyfer er henta fram.

Nasjonaldagen kan kome.

Utandørs......

får sauer og lam kraftfòr. 

Seinare på dagen flytta vi alle fram til fremste beitet.

Mykje saftig gras og stiklingar venta dei.

Plomme- og kirstebærtrea i blomst.

Ein nydeleg maidag er over. 

Til lukke med

Grunnlovsdagen 

:-)

Maigleder

Det er så godt at det har vorte grønare og grønare rundt oss.

Våren er ei fin tid,og det er så mykje ein har lyst å gjere ute.

Innearbeid står på vent og sjølv om vi har flytta inn er det forskjellig som står att innandørs.
Men motivasjonen finn vi rett og slett ute....

Her på vestlandet har det vore eit eventyrleg vèr den siste veka. Høge temperaturar har gjort sitt til at naturen har eksplodert.

Vi har grilla og arbeidd ute på tunet.

Planting og klipping.

No har sola gått ned og Yr fortel om ein vèrskifte frå i morgon.

Ynskjer deg ein god maikveld!

Gratulerer med frigjeringsdagen!

Ein dag for ettertanke.

Vi er priviligerte som bur i eit fritt velferdsamfunn.

Det har ikkje alltid vore slik.

Åra etter krigen var det mykje som skulle byggast opp att.

Lukka kjende nok kvar og ein, etter fem år med okkupasjon.

Det er akkurat lukka eg har kjent på i dag.

Lukka over livet.

Lukka over ei stor, varm familie og slekt.

Lukka over å endeleg bu på gard med dyr.

Lukka over gode og hjelpsame naboar.

Lukka over bygda vi bur i.

Lukka mi er å grave i jorda.

Lukka mi er å sjå det spirer.

Lukka mi er å småprate med hunden.

Lukka mi er å gå sauene i møte med ei raslande bøtte med kraftfòr.

Lukka mi er å leve i nuet.

Lukke for meg er prat med gode vener.

Lukke for meg er ein utfordrande jobb.

Lukke for meg er ein hektisk kvardag.

Lukke for meg er å planlegge.

Lukke for meg er kreativitet.

Livet er kontrastar. 

Livet er å leve i bølgjedalar. 

Livet er å finne balansen.

Denne helga har også lukka vore å lage eit nytt blomsterbed.

 

Steinane til venstre viser kvar steingarden skal gå.

 

Ynskjer deg ei god veke.

 

 

 

 

Svarta fekk to sett tvillingar med ti dagars mellomrom

Torsdags kveld skjedde det noko sjeldan i Nilsgarden. Søya Svarta var den første som lamma 11.april. Ho fekk to flotte tvillingar. Dagane etter har det kome tretten andre lam både enkle, tvillingar og trillingar. 

Torsdag 21.april var vi som vanleg i sommarfjøsen for å gi alle litt kraftfòr, brød og høy. Dagleg rutine er å telje opp søyer og lam for å ha full oversikt over dei lamma som allereide er komne og om noko er i gong med dei andre som ikkje har lamma. 

Svarta kom ikkje til sommarfjøsen ved fòring og vi gjekk ut i beitet å leita. Ho var då på veg til fòringstaden, men sidan ho hadde fire lam på slep så gjekk det ikkje så fort. Vi lurte sjølvsagt på kven sine lam ho passa på og leita i flokken. Det var ingen andre av sauene som viste teikn til å eige desse. Når vi undersøkte Svarta var det tydeleg at det var ho som nettopp hadde født. Spørsmålet om det gjekk ann slo oss. To tvillingar med ti dagars mellomrom?

Vi delte av sommarfjøsen og laga til binge innst inne. Dei nyfødte lamma var både våte og kalde, men vi fekk gitt dei både lammetonic, morsmjølk og tillegg. Før vi tok kvelden var dei nye lamma i full vigør. Ei runde om natta og tidleg morgon var nødvendig for å sjekke korleis dei greidde seg. Alt ser no ut til å gå fint. Vi har fått gitt lamma ku-råmjølk for å sikre at beket kjem ut og ikkje lagar forstopping.

I løpet av fredagen vart vi ringt opp av Sunnmørsposten for intervju og etter diverse svar på sosiale media har vi no forstått at denne fødselen er av dei sjeldne. Artikkelen i Sunnmørsposten: 
Svarta og tvillingane



For ei stund tilbake stod denne artikkelen i Bergens Tidene:
Mirakelsauen 

Svarta og dei fire lamma står enda i sommarfjøsen. Lamma får tillegg, men dei syg like gjerne av lammemora. Alt ser ut som går fint. 
I dag opplever vi ei kraftig erleri og alt er kvitt. Ei runde i fjøsen er nødvendig for å sjekke om alt er som det skal. 

Det var utruleg at vi skulle få oppleve dette sjeldne. 

Naturen gir oss overraskingar og mykje å undre oss over. 

Ynskjer deg ei god helg!

Den travle og gode lammetid

No brånar siste snøen, og graset spirer fram.

Utover heile bøen går sauene med lam.

Kvar langbeint liten tull, med ulla krull i krull

går krutt og diltar etter mor, for verda er så stor.

Når dei skal over bekken, veit mor kvar dei skal gå.

Og ho står still på flekken, så ungen mat kan få.

Og når han så er mett, då hoppar han og sprett

ikring blant grøne strå og blad og er så nøgd og glad.

                                                                                                             Halldis Moren Vesaas

 Eg er så hoppande glad i våren!

Merking av lam og søyer

To stolte vèrar; Skjeggen og Shaun

                                                                                Foto: E. Kipperberg