Romjulsveding

Husbonden har slått seg laus med motorsaga igjen. Han har rydda kratt og skog ned mot riksvegen. Mykje skat er køyrd vekk og etter at traktoren har fått nytt dieselfilter går den som ei klokke. Delar av ein flott steingard har kome fram og gamalt gjerde er tatt vekk.

FØR:

ETTER:

Det er kjekt alt som er gjort i 2013!

Eit nytt år står for døra og då passer det med eit tilbakeblikk 

på året som har gått. Følg med i neste innlegg!

Klem frå Irma

Julafta!

 Ingen song skildrar kjensla av at ein klar for julehøgtida betre enn:

Julekveldsvisa

Nå har vi vasket golvet og vi har børi ved,

og vi har set opp fuglebang og vi har pynte tre'.

Nå sett vi oss og hvile og puste på ei stund,

imens je rugge vogga, så bror din får en blund.

Dra krakken bortåt glaset, så sett vi oss og ser,

og prøver finne leia der julestjerna er,

den blankeste ta alle, hu er så klar og stor

- du ser a over taket der Jordmor-Matja bor.

Hun er så snill den stjerna, hu blonke', kan du sjå?

- og nå skal je fortælja og du skal høre på.

Den fyrste gong hu skinte så lage hu ei bru

imilla seg og himmel'n og ei krubbe og ei ku.

I krubba låg ein liten gutt så fresk og rein og go',

og mor hans dreiv og stelte'n og far hass sto og lo,

og gjetergutta dreomkring dom kute tel og frå

og bar med seg små lamgonger som gutten skulle få.

Og tel og med tre vise menn - dom rei i flere da'r

og ingen visste vegen og itte 'hen det bar,

men stjerna sto og blonke på himmelhvelven blå

så ingen ta dom gikk bort seg og alle tre fekk sjå.

Ja, det var fyrste gongen som julestjerna brann,

men sia har a brønni i alle verdens land

og såmmå å som hender er stjerna like stor

- du ser a over taket der a Jordmor-Matja bor.

GOD JUL TIL ALLE KJENTE OG KJÆRE BLOGGLESARAR!

Julehelsing frå Irma

Eksamen og julegrantenning

Kultur i møte med natur!

Eksamen i kunst og handverk! Mitt forslag.

Andre søndag i advent er det juleverkstad, middag og julegrantenning i bygda vår. 

Ein god tradisjon der unge og eldre treffast.

Korpset gir oss oss julestemning og 

i år vi så heldige at vèret var på vår side.

God adventstid vidare!

Klem Irma

Tenn lys!
Eit lys skal brenne
for denne vesle jord,
den blanke himmelstjerna
der barn og blomar gror.
Må alle dele vona
at gode ting vil skje.
Må jord og himmel møtast, eit lys er tent for det.

(Eivind  Skeide)

 

 Endeleg adventstid!

Nyt den :-)

Irma

Korte dagar!

Vi kan skrive siste dagen i november og vi har koselege desember framfor oss. 

Juleførebuingar er i gang og det er ei kjekk tid no fram mot jul. 

I Nilsgarden er det fortsatt noko aktivitet, men det går stort sett i hjorteslakting, røyking av laks og arbeid i vedaskogen. For min del er det lite eg kan gjere då eg har operert skuldra etter ei skade. Gler meg til å kome sterkare tilbake etterkvart. 

Vinteren gir god anledning til å planlegge framdrifta av restaurering. Vi justerer teikningane av huset slik at vi kan kome i møte krav frå fylket og kommunen. Dette er teikningar vi sende inn for å få byggjeløyve. Huset sett frå fjella. Vindua skal ikkje vere krysspost, men med seks ruter i kvart vindu. Taket skal ha Vossaskifer som i dag, men steinen skal vaskast og takast av. Til våren skal snekkarar legge nytt tak med isolasjon under. Vidare skal dei setje opp tilbygga og ark på loftet. Bordkledning, vindu og dører skal skiftast. Heile huset skal isolerast slik at tømmeret vert synleg på innsida. Golvet i 1.etasje skal skiftast.

Det var litt om kva som skjer i Nilsgarden om dagane. 

Vi gler oss over alle små utbetringar vi får gjort. Dette er eit prosjekt som tek tid og vegen blir til medan vi går. 

Det er viktig at vi har det kjekt og at arbeidet gir energi. 

Ynskjer alle lesarar ein fin kveld!

Klem frå Irma

I vedaskogen

Hausten er ei fin tid for veding og rydding. Vi er godt i gang og 

det er spennande å sjå kor beita opnar seg. 

Her først eit bilete frå ein skogstur for nokre veker sidan. 
Granskogen ligg tett inn til traktorvegen som deler beitet. 
Vi har no starta rydding av beitet til høgre på bilete.
Gamle piggtrågjerder er først fjerna.

Etter rydding:

I kveld er det storm her på nordvestlandet og 

det er absolutt kjekkast å vere inne.

Har fyrt i ovnen og håper andre har det like trygt og godt som eg.

Nyt kvelden!

Klem Irma

Velkomen november!

Det e svart november. Have kruse mot strand

ein forliste drøm fra et sommargrønt land.

(frå Tir n`a Noir - Vamp)

Vi opplever kortare dagar og lange mørke kveldar.

Ute er dei fine haustfargane gått tapt. 

Husbonden har tatt til å arbeide i vedaskogen. 

I same renna blir beiter rydda slik at det er råd å setje opp nye gjerder. 

Mykje skat skal samlast i hauger.

Der kjem eg inn og kan gjere ein innsats.

Arbeidet er rekreasjon og det er godt å jobbe ute i lag. 

Nokre stemningsbilete frå 2012:

Fyr i ovnen og tenn eit lys for mørketida!

Ha ein strålande kveld.

Klem frå Irma