Meir inspirasjon!

I påvente av at søknaden om løyve til  å bygge på våningshuset skal godkjennast, 

reiser vi litt rundt i nærområdet for å finne inspirasjon. 

Denne søndagen var vi på Bjørke og Bakketunet. 

Kom og bli med inn på tunet:

Ein kan drøyme seg vekk i slike omgjevnadar.....

Les meir om denne fantastiske plassen her:

 http://bakketunet.com/

og

http://www.morenytt.no/kultur/article8010167.ece

Vi har absolutt ikkje gått og tvinna tommeltottar dei siste vekene, 

men det kjem i eit anna innlegg.

Ha ein fin kveld vidare!

Irma

Løda

Kvifor kaste når ein kan setje det vekk på løda? 

Det er veldig greit med stor lagringsplass og det har samla seg mykje opp gjennom åra. 

Det er reine skattejakta å gå laus å rydde løda. Eigentleg skulle vi ha ein roleg dag rundt bålpanna, men når lysta og energien kjem ramlande må ein berre å brette opp armane setje i gong. 

Løda har ein hems over den nye sauefjøsen og vi har klatra opp og sortert gamal material. No ligg der kun stigar og den materialen som vi kanskje kan få bruk for. Ein liten brøkdel av løda er no kosta og vi har fått stabla skattar inne i ein krok. 

Løda er ei grindløde frå 1879. Her er mykje flott arbeid. 

Her er fleire skattar som skal takast vare på:

Denne karmen av ei kjerre fekk vi av naboen. Den skal få plass i løda i påvente av å bli brukt.

Trur vi skal gå til innkjøp av støvmasker som ligg klar til neste rydde og kosteykt i løda!

Ha ein fin dag vidare!

Irma

Ein inspirerande søndag!

Vi treng litt påfyll av energi og bli inspirert av andre som driv gard på ulike måtar, 

restaurerar gamle hus og som skaper noko positivt i bygdene.

Denne søndagen gjekk turen til Vanylven og Hakkalegarden.

Hakkalegaren er ein fargerik besøksgard for både born og vaksne. 

Der er ulike typar dyr, fuglar, hesteriding, traktorturar, butikk, kunstutstilling og kafè.

Garden ligg nydeleg til med Haugsholmen og ope hav i bakgrunnen.

Ein nydeleg mur på våningshuset!

 Delar av butikken.

Oppheng for kle.

Kjellartrapp i stein.

Fargerik løde med kafè og butikk.

Nydelege alpakkaer.

Meir stein....

Du kan lese meir om garden og kike på bilete her: http://www.hakalle.no/

Nyt dagen vidare!

Irma

Stova

Vi fann, vi fann!

På visning såg stova slik ut.

Bak fleire lag med tapet, papp og plater dukka dette flotte tømmeret opp.

Nokre tømmerveggar er måla og andre har naturleg patina. 

Døra til høgre for ovnen fann vi inne i veggen. Den går inn i eit kleskap i gangen.

Syns fargen på det måla tømmeret er stilig. 

Her har det vore eit vindu. Dette skal vi setje inn att.

Nydeleg farge og patina.

Det står att å rive pappen mellom bjelkane i taket. 

Eg har starta med å ta ut spikarar frå tømmeret. Det er ein nøysommeleg jobb. 

Bjelkelaget i golvet skal skiftast. Isolasjon mellom golv- og takbjelkar....

I dag er det dugnad på ungdomshuset med sal av rjømegraut og kaker!

God jonsokfeiring til alle!

Irma

Meir graving

Drenering rundt utbygget som skal bli kjøkken og vaskerom.

Og inngangsparti.

Oppsamlingskumme utanfor kjellardøra.

Drenering på nedsida av huset må til.

Det var ein gong ein fin og nyklipt hage.....

Her gjeld det å ikkje miste motet. Det er vel slik at det blir verre før det blir betre!

Etter dagar med sol, regn og graving ser det slik ut 16.juni:

I blomsterkrukkene er det fargerikt og frodigt!

I dag har eg klipt den delen av plenen som ikkje er dekt av moldhaugar. 

Det er ei fryd å arbeide ute i finevèret. Eg har trilla x-antal trillebårlass med singel som

ligg att etter det som er tippa på plenen. Hadde nok vore lurt å lagt presening under....

Det har vore ein del utearbeid dei siste vekene, men på regnvèrsdagane har husbonden kosa seg med rivingsarbeid på loft og i kjøkken. Mykje fin tømmer har kome fram i lyset. 

Gler meg til å vise dykk!

Ha ei fin veke vidare!

Irma